Olsem part blo Covid-19 rikuveri strateji blo Vanuatu Turisim Ofis, mifala i stap mekem wan domestik maketing kampen blo asistim ol lokol turisim bisnis long hard taem ia. Yumi stap naoia lo phase 2 blo kampen ia.
Domestik turisim maketing kampen blo mifala i traem blo pulum intres blo ol man blo sapotem bigwan ol lokol turism bisnis blo yumi.
Phase 2 blo kampen ia bai i stap kasem 30 septemba 2020, mo bai hemi helpem ol local turisim bisnis blo oli save gat wan free advatising lo Facebook, niuspepa, radio mo lo media blo save kasem fulap man.
Long taem blo kampen ia, bai VTO i promotem everi offa we mifala i risivim long ol turism bisnis insaed lo ol platform ia:
1) Vanuatu Turisim Ofis Facebook pej
2) Lo Facebook mo Instagram olsem wan paid post we i targetem yumi lo Vanuatu
3) Lo Buzz FM radio lo Port Vila
4) Lo Daily Post niuspepa
5) Lo Google Ads
Wanem kaem turisim bisnis i save yusum kampen ia?
Eni turisim bisnis lo Vanuatu, bigwan or small wan.
Kampen ia bai stap kasem wanem taem, mo hamas offa nao mi save putum?
Kampen ia i stat naoia kasem 30 septemba 2020. Wanwan bisnis i save submitim wan offa blem long wanwan wik kasem end blo Septemba. Tame yu submitim offa blo yu, plis yu mas letem mifala i save hao long nao yu wantaem se bai mifala i putumaot offa blo yu.
Wanem nao ol samting we mi nidim blo mekem ol advatisement blo mi?
Ol samting we yu nidim blo gat hemia:
Fomat: lo PDF, PNG, JPG lo 2400 pixel long longfala saed blem
Dedline: kat off lo everi wednisde lo 12pm
Mifala i sajesetem fri website ia olsem wan fri tool we eni wan we I no kat tumas save lo design i save usum.
Hao nao mi save submitim ol offa blo bisnis blo mi?
Plis yu mas komplitim sabmisen fom blo mifala lo website ia (plis yu mas fulmap fom ia wanwan taem blo each difren offa)
I kat eni rule blo ol pikja we mi wantem serem lo Facebook?
Yes. Facebook i kat sam rul we yu mas folem blo yu save sharem pikja lo netwok blo olgeta. Facebook I alaoem nomo ol pikja we oli kat andanit lo 20% blo writing lo eria blong pikja. Sapos wan pikja i gat ol writing we i bitim 20% blong ful eria blem, I gat janis se bae Facebook i no akseptem, o sapos oli akseptem, maet bae Facebook oli no soemaot offa long tumas man. Klikim link ia.
Eni other samting bageken?
Ol Ni-Vanuatu audience I big bitim ol lokol expat audience. Mifla lo VTO i stap enkarajem ol turisim bisnis blo traem mekem ol offa we i stap tagetem ol man ples audience mo I inkludim ol pikja blo ol man ples we i stap yusum turisim bisnis blo yu.
Spos mi nidim sam help, hao nao bai mi save kontaktem yufala?
Contaktem VTO Domestik Marketing Ofisa Angelina Songi lo 22515 or emailem mifala lo